ORANJESTAD –Recientemente Minister di Finansa, Asuntonan Economico y Cultura a lansa e campaña Cumpra Local cual a wordo hopi bon ricibi pa nos comerciantenan y comunidad. Den cuadro di e campaña Cumpra Local y pa pone un tiki ambiente Caya Betico Croes durante di e temporada di Dianan di Fiestaden, Minister Xiomara Maduro a bini cu e iniciativa pa facilita pa por tin algun entretenimento den Caya Betico Croes durante e luna di december. Na dos punto den Caya Betico Croes lo tin diskjockey cu lo entrene cu musica di fin di aña tur esnan cu lo ta den Caya Betico Croes pa haci nan compras pa e temporada di fiesta. E dos puntonan lo ta La Moderna y dilanti ex Bon BiniBazar. E iniciativa aki di parti Ministerio di Economia ta pa trece un ambiente y asina motiva comunidad pa yega den Caya Betico Croes haci nan compranan, sostene nos comerciantenan local y asina contribui na engrandece nos economia. E prome dia di ambiente den Caya Betico Croes lo ta diasabra awo 5 di december, cual ta un oportunidad pa tur esnan cu no a haya e oportunidad pa cumpra regalo por haci esaki riba e dia aki. 

E schedule ta lo siguiente:

Dia	Orario	Luga
diasabra, 5 di december	12pm – 6pm	Banda di La Moderna
diasabra, 5 di december	12pm – 6pm	Dilanti Ex Bon Bini
diasabra, 12 di december	12pm – 6pm	Dilanti Ex Bon Bini
diasabra, 12 di december	12pm – 6pm	Banda di La Moderna
diasabra, 19 di december	12pm – 6pm	Banda di La Moderna
diasabra, 19 di december	12pm – 6pm	Dilanti Ex Bon Bini
diaranson, 23 di december	12pm – 6pm	Banda di La Moderna
diaranson, 23 di december	12pm – 6pm	Dilanti Ex Bon Bini
diahuebs, 31 di december	10am – 4pm	Banda di La Moderna
diahuebs, 31 di december	10am – 4pm	Dilanti Ex Bon Bini

Un invitacion na nos comerciantenan pa probecha di e oportunidad cu tin entretenimento y ambiente y asina ofrece nan producto- y ofertanan na e clientenan durante e temporada aki.