Dama turista di 24 aña a perde su bida den accidente na rotonde Bushiri riba E.J. “Watty” Vos Blvd.

Di 6 MORTO DEN TRAFICO

Diasabra anochi pa 11:12 central di polis ta wordo notifica di un accidente cu a tuma lugar na e rotonde di Bushiri.
Na jegada di patruya ta bin topa cu un Hyundai Accent numera V-3963 color blanco cu a dal riba e rotonde na Bushiri.
Patruya ta pidi ambulance cu urgencia mirando e situacion di e chofer femenino cu ta mustra bastante critico . Den e auto tabata tin 3 persona mas. Total a yega 3 ambulance na e sitio tambe e materialwagen di brandweer. Specialista di trafico y polis technico a presenta na e sitio pa haci nan investigacion pa por deduci kiko exactamente por a pasa.
Ambulance a atende cu e chofer pero no por a haci nada mas pe .
Pa 00:15 dr Texier ta constata morto di e turista femenino mericano K.C. di 24 aña .
E tres otro turistanan cu tabata den e auto a bay hospital pa tratamento medico. Nan situacion ta stabil.
Departamento di slachtofferhulp a presenta pa atende cu nan .
awe24.com y tambe Cuerpo Policial ta manda palabranan di condolencia na famia di e fayecido.

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

•