Diabierna merdia a drenta informe di cu tin un rama grandi a bay cay riba caminda strobando e fluho di trafico dilanti Marriott, mesora a dirigi un patruya na e sitio. Na yegada di e patruya a bin nota cu un rama grandi a scheur door di e peso di e awa riba e mata y esaki a bin abao. Ora polis a fiha mihor a descubri cu e mata a cay riba un auto pasando tambe. Pero e daño tabata minimo y afortunadamente ningun hende a resulta herida. Pero polis mes a cuminza kap e mata pa asina e trafico por pasa un poco mas liher mientras cu D.O.W. ta manda su contratistanan pa caba di corta y recoge e takinan.
