Diahuebs anochi a drenta informe di un caso serio di maltrato unda un homber ta maltratando su pareha na Gasparito, mesora a dirigi un patruya na e sitio. Na yegada di e patruya a haya e homber ta agrediendo e dama aun, polisnan a detene e agresor y a pidi vehiculo di transporte di detenidonan pa asina bin buske y hib’e na warda di polis na Shaba. Unabez cu e agresor a ser hiba e dama agredi a mistra polis unda su pareha tin plantacion di marihuana y hopi articulonan horta scondi. Polis mesora a confisca tur esakinan y a pidi pa e departamento technico y forensyco pa bin documenta e cosnan aki.
