Hoben sin rijbewijs a core auto di su mama causa un accidente core bay cu e auto for di e sitio y bay sconde!

Despues cu ela ripara cu polis a haya e auto y a pidi takelwagen ela aparece y polis a detene.

Diasabra anochi despues di un hoben sin rijbewijs a ocasiona un accidente na Madiki y a core bay polis cu a bay na e sitio di accidente y eynan a logra haya e plachi number cu a keda atras despues di e impacto. E hoben a bandona e sitio di accidente pero ora polis a controla e number a haya sa unda e adres di e auto ta y a bay na Rudolf Arendsstraat. Na e dicho adres polis a logra topa e auto pero nada di e chauffeur. Polis a solicita presencia di takelwagen y mientras cu tabata sperando takelwagen a aparece un hoben cu a bisa cu e tabata cu e auto y cu ela bandona e sitio pasobra e no tin rijbewijs. Eynan mesora polis a detene e hoben y a bay cun’e na warda di polis.

Share:

Leave a Reply

Your email address will not be published.