Dialuna anochi a drenta informe di cu un chauffeur lo a bira malo y a bay dal riba un blokki pariba di e rotonde na Tarabana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un dama chauffeur saliendo banda pariba for di e rotonde Tarabana lo a bira malo y a bay na e banda robez di caminda y a bay dal un blokki panort di caminda. polis a purba comunica cu e dama chauffeur pero esaki tabata papia cosnan bruha y despues a bay off. Na yegada di e ambulans nan a tuma over e situacion y mesora a saca e dama pone riba stretcher y hib’e hospital. Polisnan a avisa famia di locual a sosode.
