Ya pa varios aña Aruba a conose e mihor kerstboomnan cu unicamente Kerstboomlandia so sa trese y e biaha aki tambe lo ta mescos ya cu dialuna Kerstboomlandia su bunita kerstboomnan berde berde cu ta hole y ta trese e fragancia real di Pasco lo yega na Aruba y diamars prome di december atardi lo cuminza bende e kerstboomnan aki. Un y tur ta cordialmente invita pa bin comproba y scohe e kerstboom di nan gusto na Kerstboomlandia cu atrobe lo ta ubica pazuid di Banco di Caribe den Vondellaan pabao di caminda. Naturalmente e reglanan di D.V.G. ta conta cu mester usa handsanitizer y tambe mondkapje, pa esnan cu no tin Kerstboomlandia lo tin disponible. E aña aki cu e pandemia ta importante pa bo keda mas tanto na cas, pues asina ta disfruta e pasco aki cu e kerstboom mas yen, bunita y cu ta radia e fragancia di mas dushi den bo mesun cas. Yega scoge y bay cun’e of pidi pa entregue na bo cas. Calidad y servicio cordial na bo satisfaccion ta e lema di Kerstboomlandia. For di awor caba Kerstboomlandia ta desea tur su fiel clientenan pa añas un Bon Pasco y un Bon Aña nobo yena cu salud, bendicion y prosperidad!
