awe24.com tin e tristo deber pero conforme Dios su boluntad pa informa cu e conosido “Beto” di Pro-Catedral San Francisco di Asis a bay laga nos e a bira malo y a bay hospital. Aunke e no tin ningun familiar na Aruba, nos e rumannan den Cristo ta su familiar. Su famia mes ta na Curacao y debi na limitacion toch Señor a obra y su yiu Roberto a logra haya un lugar den vuelo y despues direct pa bay hospital a logra yega net na tempo pa a caricia su tata prome cu ela fayece. Beto su deseo semper tabata ser dera na Curacao hunto cu su mayornan. Pa su rumannan den Cristo na Aruba lo tin un oportunidad pa despedi di ruman Beto diaranzon entre 3’or lo tin Misa y despues oportunidad pa despedi na Pro Catedral San Francisco na Oranjestad. Pastoor Stanislaw Sekulay di Congregacion San Miguel Arcangel, Hesus E Bon Wardador di Pro-Catedral San Francisco di Asis y tambe nos di awe24.com ta extende nos mas sincero palabranan di condolencia na famia di Beto.
