Diahuebs atardi a drenta informe di cu tin un homber benta abao banda di e dam di Tanki Leendert, mesora a dirigi un patruya na e sitio. Na yegada di e patruya a bin encontra cu un homber burachi benta abao y un dama bisando cu e tabata pasando y a mira un homber manera burachi canando bahando manera pa bay den e dam y a dal abao, esey a pone cu ela yama autoridad mesora. Polis a nota cu e homber tabata hole alcohol y tabata cu su auto eynan mes para. Polis a solicita e vehiculo pa transporta detenidonan y a hib’e na warda pa e haya un cuarto gratis.
