Diamars mainta a drenta informe di cu tin un persona cu lo a corta su mes varios biaha na su pols cu menos bon intencion na Panamastraat, mesora a dirigi tanto polis como ambulans na e sitio. Na yegada di e patruya nan no a haya e victima na e sitio y a bin compronde cu ela bay pero ta den cercania. Polis a busca rond y a topa cun’e pero e victima mes no kier haya atencion di ambulans y e patruya a sigui su caminda. Ora cu ambulans a yega na e cas nan a papia cu un persona cu ta yudando e victima y esaki a bisa cu e victima ta den cercania. Nos colaborador a topa cu e victima y a nota cu e ta seriamente herida y tabata sangrando profusamente pero e victima a cuminsa core, pero e colaborador a bolbe top’e y a insisti e victima kende aun ta bao influencia di un of otro substancia estupefacente a dicidi di tuma un revision y atencion pa stop e sangramento. E personal di ambulans cu tabata cerca mesora a yega y a atende e victima. Mask’e e victima mester mas atencion medico pero e victima ta nenga bay cu ambulans.
