Na caminda pa e di 7 edicion di Pasa Pret cu Rotaract

Un oportunidad perfecto pa forma parti di e Dance Challenge #PPCR2020

Mi tin derecho di ta un mucha! #issafact

Rotaract Club ta contento y orguyoso di por presenta un otro edicion di e evento anual tan gusta cual ta ‘Pasa Pret cu Rotaract. Mirando e situacion mundial cu mundo henter ta confrontando esta COVID-19, e aña aki nos proyecto di tur aña lo ta un “Dance Challenge” cual lo ser haci via social media. 

E Dance Challenge lo ta un competencia na cual mucha te cu e edad di 18 aña por participa usando plataforma por ehempel di TikTok pa graba un video di minimo 15 seconde usando e cantica #issafact. E video tin cu wordo manda pa nos via email y esaki lo wordo publica riba facebook di Rotaract Club of Aruba. 

#Issafact ta un cantica cu ta papia di e derechonan di mucha. 

Pasa Pret cu Rotaract ta wordo organisa den conexion cu e dia Internacional di e Proclamacion di e 

Derechonan di Mucha di Nacionan Uni. Ta hopi importante cu ora di manda e video tur participante menciona derecho di mucha cu ta cerca di nan curason por ehempel “Mi tin derecho di haya un educacion, amor y proteccion”.  

Regla pa participa na e “’Dance Challenge” ta lo siguiente:

–          Traha un “dance video” creativo cu nos jingle #issafact. 

–          Uza y Download e jingle via e link riba nos Facebook

–          Participante nan por tin un edad di maximo 18 aña pa por participa. 

–          Maximo 4 persona den e video.

–          Email e video pa ppcr@rotaractaruba.com

–          Na momento cu manda e video na email menciona ariba, ta necesario pa inclui edad di  

      ​cada participante, nomber di participante, number di telefoon y tambe kico ta nan derecho den e​​ siguiente manera “ Mi derecho ta….”

–          E 50 participantenan cu mas likes pa nan video lo haya un entrada pa Drive-In cu bebida y popcorn  ​​dia 21 di November 2020. 

–          E 50 participantenan aki lo ricibi nan digital ticket via email dia 19 di November.

–          Top 5 di e finalistanan lo wordo saca a base di likes (75%) y hurado (25%). November 21 lo wak un​​pelicula y tambe e ganadornan lo wordo anuncia ariba e ‘big screen’ na The Movies-Drive-in.

Top finalista nan tin chance di gana un Cash Price di Afl. 1000.00, Cash Price Afl. 500.00, Tablets, Weekend Stay na Amsterdam Manor y un Bowling Package pa famia y amigonan.

Nos kier a gradici nos sponsor y colaborador nan:  CIBC First Caribbean International Bank, Ennia, The Movies at Drive-in, Kok Optica NV, Amsterdam Manor Beach Resort, Grant Thornton Aruba, De Wit & Van Dorp y DC Tax Solutions.

Tambe nos kier a gradici e compositor y cantante di nos jingle Jair Vesprey y tambe Rygel Isabella pa a produce esaki. Un danki ta bai na Kids & Youth in Action pa coreografia di nos video. Danki tambe na Dani Cruz di Aerial Eyez pa a graba y edita nos video.

Rotaract Club of Aruba ta un organisacion pa hobennan entre e edad di 18 cu 35 aña cu ta parti di e famia di Rotary Aruba cu ta consisti di Rotary Club of Aruba, Rotaract Club of Aruba, Interact Club of Aruba na Schakel College y Interact Club of Aruba na Colegio Arubano. Rotaract Aruba a wordo estableci na 1991 y desde principio nos ta organisa varios proyecto na bienestar di nos comunidad. 

Como club nos ta haya e proyecto aki di suma importancia mirando e situacion mundial di COVID-19 cu a resulta di ta hopi duro pa diferente famia na Aruba. Lamentablemente e intensidad di e virus aki no ta solamente e aspecto di financiero pero tambe mental y emocional. Pa e motibo aki Rotaract ta ofrece un evento social cu tur medida di seguridad pa celebra dia di mucha.

Nos ta spera di wak hopi mucha y hoben participa na nos “Dance Challenge” cual por ta un momento hopi dibertido y memorabel. 

Pa mas informacion, Like y Follow e pagina di Facebook y Instagram di Rotaract Club of Aruba of subi nos website www.rotaractaruba.com.

Share:

Leave a Reply

Your email address will not be published. Required fields are marked *