Diabierna anochi a drenta informe di un accidente cu hende herida banda di Eumar na Catiri, mesora a dirigi tanto polis como ambulans na e sitio. Na yegada di e patruya ya caba ambulans tabata na e sitio. E patruyanan a bin compronde cu aki ta trata di un accidente unda cu un Nissan Cube preto a dal e motociclista y a sigui core bay. Polis a haya e informacion di e vehiculo cu a core bay y ambulans a atende y transporta e victima pa hospital.
