Durante e Siman di Innovacion Aruba, ‘Immerse Innovation Week’, Prome Minister den nomber di Gobierno di Aruba a otorga Jharonne Martis e reconocemento di ‘Outstanding Innovator’ pa su carera como hende muhe den STEM y pa representa nos pais cu orguyo.

Jharonne Martis ta un Arubiana cu ta biba na New York y ta traha den STEM. Jharonne ta un inspiracion pa hopi hende, especialmente hende muhe. Durante su bishita na New York na september ultimo, Prome Minister a encontra cu Jharonne y a hiba conbersacionnan importante y interesante cu Jharonne di su trabounan riba e tereno di innovacion. Prome Minister a expresa di a keda hopi impresiona cu tur e contactonan cu Jharonne tin pa ta un hende muhe hoben y bibando na un pais stranhero, mustrando asina su esfuersonan pa sigui avansa den su carera. Apesar di ta biba na Merca, Jharonne ta yuda nos den e trayectoria di Innovacion na Aruba.

Jharonne Martis ta un hende muhe den innovacion!

•