Diasabra madruga durante cu ambulans tabata transportando un paciente di Respaldo for di Sanicolas den e ambulans pa hospital, diripiente na altura di Wilhelmina Park e paciente femenino aki a bira manera “Hulk” y a cuminza destrui cosnan den e ambulans. E chauffeur di ambulans mesora a para e ambulans riba caminda mes y a solicita presencia di polis cu maximo urgencia. Na yegada di e prome patruya a pidi refuerzo na yegada di mas patruya a logra domina e paciente. Cu ayudo di e vehiculo pa transporta detenidonan a logra hiba e paciente hospital pa tratamento. Roadservice a ser yama pa bin traha e rapport pa seguro.
