Bucuti & Tara Beach Resort Ta Lidera Aruba Den Condé Nast Traveler Reader’s Choice Award

EAGLE BEACH, Aruba – Oktober 6, 2020
– E prestigioso revista internacional Condé Nast Traveler a anuncia awe e
resultadonan anual di su Readers’ Choice Awards cu Bucuti & Tara Beach
Resort siendo reconoci como e No. 17 – esun di mas halto di Aruba – entre e Top 40 Resorts den Caribe. Representando un aumento di 19% pa
2019, mas cu 715.000 miembro di Condé Nast Traveler a responde preguntanan evaluando nan experiencianan di biahe rond di mundo. Condé Nast Traveler Readers’ Choice Awards ta un di e reconocementonan mas prominente y prestigioso den excelencia di industria di biahe. “E resultadonan di e aña ki su encuesta, locual a tuma parti na e comienzo di e COVID-19 pandemia, ta un testamento na e poder duradero di un experiencia di biahe significativo,” a wordo conta door di Jesse Ashlock, e US Editor di Condé Nast Traveler. “E ganadornan ta representa lo miho di lo miho den e wowonan di nos audencia y ta ofrece inspiracion na esnan planiando nan proximo aventura.” “Como restriccionnan di biahe a wordo kita y mas y mas huesped a cuminsa bolbe na Bucuti & Tara Beach Resort, wordo reconoci door di e miembronan di Condé Nast Traveler como un di e miho di miho ta continua di afirma e deseo pa un vakantie di halto calidad,” Ewald Biemans, doño/CEO di Bucuti & Tara Beach Resort ta conta. “Mi ta orguyoso di Bucuti su trahadornan cu ta traha duro tur dia pa brinda e vakantie di mas sigur y sano den Caribe y na nos huespednan cu ta continua di duna nos nan confiansa pa asina nos por duna nan un experiencia inolvidabel”. Mientras cu e pandemia di COVID-19 tawata un inespera y cu a interumpi un grand parti di 2020, Bucuti & Tara a uza su tempo pa mehora e experiencia di su huespednan. E resort a haci un limpieza profundo, a renova Elements restaurant y su pool, a haci trainingnan cu su trahadornan y a traha cu doctornan di

ICU riba propiedad pa asina implementa un protocol di siguridad grado-hospitalario y hi-tech. Nan tambe a debuta un menu vegano mas amplio, a ricibi un Wine Spectator Certificate of Excellence y a wordo nombra No. 1 door di TripAdvisor. E 2020 Readers’ Choice Awards a wordo publica riba Condé Nast Traveler su website na www.cntraveler.com/rca y a lo wordo celebra den nan edicionnan di Condé Nast Traveler USA y di Inglatera na November.
Pa sa mas informacion, bishita www.bucuti.com.

Share:

Leave a Reply

Your email address will not be published. Required fields are marked *