E equipo di rescate di bombero conhuntamente cu ambulans a subi pa asina trece abao
Dialuna anochi a drenta informe di cu un hende a bira malo bahando e trapi di Hooiberg, mesora a dirigi tanto ambulans como e equipo di rescate di bombero na e sitio. Na yegada di e ambulans a bin compronde cu un homber di 33 aña cu tin costumber di subi y baha e trapinan di e sero a bira malo y a medio cay flauw. E personal di ambulans como e equipo di rescate a subi e sero cu e equipo necesario pa atende y yuda baha e persona. Despues di a duna e persona prome auxilio a purba bahe riba su mesun pianan sosteni ambos banda cu tur trankilidad ya yegando casi abao e homber no por a para mas riba su pianan y a opta pa trece carga. Una bez abao a pone riba e stretcher a hib’e den ambulans unda eynan a sigui trat’e pa wak si e mester bay hospital of no.
