Diabierna anochi a drenta informe di un accidente cu hende herida riba Caya Frans Figaroa, mesora a dirigi tanto polis como ambulans pa e sitio. Na yegada di e patruya na e sitio a bin constata cu aki ta trata di un accidente di cadena entre 3 auto cu 3 persona herida. Aki chauffeur di un Honda Accord shinishi A-59677 bayendo nort no a regula velocidad ni a mantene distancia y a causa di esaki a bay dal tras di un Kia Rio blanco A-63313. E impacto cu e vehiculo aki a pone bay dilanti y dal tras di un Hyundai Tucson shinishi A-54240. Ambulans a presenta na e sitio y a atende cu e 3 personanan herida.
