Sigui lesa bay

Sigui lesa bay

Gerente di biblioteca a haya un sorpresa agaradabel di autor di buki pa mucha, sr. Robert Reeberg. Den pasado Robert Reeberg a yuda biblioteca hopi biaha cu actividad pa mucha y tambe a participa como autor na e Festival di Buki pa Mucha. Na diferente ocasion sr. Reeberg a compone y produci e canticanandi e festival. Despues di a lansa e cantica ‘Sigui lesa bay’ Sr. Reeberg a keda cu un soño mas pa laga produci un videoclip. Su soño a bira realidad. Sr. Reeberg a traha hunto cu e cabayeronan di Aerial Eyez, Dani Cruz y Marlon Dubero pa realisa su soño y produci un pelicula cortico di casi 4 minuut pa promociona lesamento.

Esaki a bira un videoclip masha bunita, varia, colorido y alegrepa duna mucha mas smaak pa bishita biblioteca y lesa mas buki. Cu mucho gusto e team di biblioteca ta pasa esaki riba e screen grandi na Cas di Cultura diabierna awor, dia 1 di november, pa un y tur wak. Apertura di e Festival di Buki pa Mucha ta gratis y biblioteca ta invita tur mucha. Fiesta ta cuminsa 6or.

Share:

Leave a Reply

Your email address will not be published. Required fields are marked *