E auto a bolter riba e brug y dama chauffeur a resulta herida.
Diahuebs atardi a drenta informe di un accidente cu hende herida net riba e brug bieuw di Balashi, mesora a dirigi tanto polis como ambulans na e sitio. Na yegada di e patruya a bin compronde for di e dama chauffeur cu e tabata bayendo cas direccion pariba net ela cuminsa riba e brug diripiente e stuurwiel a lock pone bay na man robez subi e acera dal na e muraya bolter bay cay bek riba su wielnan na e banda drechi di caminda cara panort. Debi na e impactonan aki y e boltermento e dama a resulta herida. Na yegada di e ambulans nan a atende e dama y a transporte pa hospital.
