ORANJESTAD – E plataforma educativo online di Union Europeo pa maestro EU Teacher Academy ta presenta un training online (MOOC) di e sistema nobo yama: ErasmusAccreditation cu lo wordo introduci pa facilita proyectonan di mobilidad entre scolnan di Aruba cu Europa y tambe otro paisnan reconoci pa e programa Erasmus+ 2021-2027.
Nos ta invita tur docente di Aruba pa:
- Registra ariba School Education Gateway website (si tin un eTwinning account caba por usa esaki tambe)
- Inscribi pa e training via e siguiente link: https://academy.schooleducationgateway.eu/web/erasmus-accreditations
- Click ariba ENROLL NOW
Cu e training aki lo bo por siña kico ta e sistema nobo yama Erasmus Accreditation, cual ta e beneficionan, con lo por haci un peticion pa proyecto y con por cuminsa prepara pa un Erasmus plan pa bo scol. Training ta inicia dialuna, 14 di september venidero y lo termina 29 di October 2020.
Sera conoci y prepara bo mes pa oportunidadnan cu e fondo di Europa Erasmus+ 2021-2027 lo trece pa bo organisacion.
Por fabor tene na cuenta cu:
- E training aki no ta remplasa e informacion oficial duna pa e oficina di contacto na Aruba (BEUK) y tampoco di e website Erasmus+ of website di otro Agencia nan.
- Completa e training aki no ta garantisa un aprobacion di un projecto automaticamente.
