Diaranzon merdia a drenta informe di un accidente cu hende herida na Venezuelastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Hyundai Accent bayendo pabao den venezuelastraat no a duna preferencia na e Toyota Vitz cu tabata bini di zuid den Weststraat y esaki a dal e Accent mande perde control y na lugar di primi brake a primi trot dal borchi trafico bira na e siguiente cruzada subi acera dal riba cura di cas banda pabao birabin pariba pa finalmente dal riba cura di cas. Ambos chauffeur a resulta levemente herida. Na yegada di e ambulans nan a atende ambos victima na e sitio mes.
