Diamars anochi a drenta informe di un bringamento formal na Seroe Patrishi, mesora a dirigi un patruya na e sitio. Na caminda pa e sitio a drenta ptro informe di cu tironan tambe a cay. Na yegada di e patruya ya caba e vehiculonan a bandona e adres, tabata trata di un Toyota Altezza shinishi y un Nissan March. Polis a busca den vecindario y diripiente a nota un Nissan March sospechoso sali banda di Glenn’s mesora a bay su tras y a par’e. E March tabata tin e chauffeur herida y e auto na sanger, cu hopi droga den e auto y un tiro na e porta. Polis mesora a detene e chauffeur y a confisca e auto y e droga. A pidi presencia di ambulans pa e kap na cabez. A avisa tur autoridad competente di e susedido aki. Na yegada di e ambulans nan a atende e persona na e sitio mes y djey e vehiculo di transporte pa detenidonan a hib’e na warda. Takelwagen a hiba e vehiculo warda di polis pa mas investigacion.
