Diadomingo atardi a drenta informe di un accidente basta pisa cu hende herida na Sabana Grandi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un Nissan March bayendo pabao a bay demasiado na su banda robez y a bay dal riba e Hyundai Tucson di direccion contrario. E impacto tabata fuerte ambos chauffeur y un ocupante den cada vehiculo a resulta herida. Na yegada di e ambulans nan a atende e victimanan y a transporta e 2nan mas grave den e prome 2 ambulansnan cual ambos tabata den e March mientras despues un otro unidad a bin atende e otro 2 victimanan cu tabata den e Tucson. UPDATE: Un ultimo informe ta indica cu un di e victimanan den e accidente ta den coma den e Unidad di Cuido Intensivo (I.C.U.) na Hospital.
