Studiante di UA, Sidney Simoons ta cuminsa stage na Museo Cas Tan Tin

Oranjestad – Diabierna atardi pa mas-o-menos 4‘or a iniciaoficialmente e periodo di stage di Sidney Simoons, kende ta un studiante di 4 aña di e programa Organization, Governance & Management, brinda na Universidad di Aruba (UA). 4 di september ta un fecha hopi importante den Sidney su careracomo un futuro hoben profesional. E bunita di esaki ta cu Sidney lo yuda Fundacion Mi Cutisa (FMC) inicia, sigui desaroya y finalisa algun proyecto pa Museo Cas Tan Tin. 

Pa conta un poco di Cas Tan Tin, esaki ta un ‘cas di cunucu’ cu Sr. Marco Tromp a construi den comienso di siglo 20, situa naPos Abou 19 na Noord. Esaki ta e prome cas tradicional di Aruba pafor di capital di Aruba, cu Monumenten Buro a agregaaña pasa na e lista di monumentonan protegi. Mester accentuacu e cas aki ta un di e poco casnan tradicional di Aruba cu ta practicamente intacto cu su mangashina, rembak (regenbak), fogon y hopi mas. Cada biaha cu bo drenta den Cas Tan Tin e ta hiba bo bek den tempo, ora bo mira e muebelnan di mas di 50 aña pasa. Tambe tin oportunidad di saca potret den trahe tipicona Cas Tan Tin.

E metanan tras di e periodo di stage aki ta pa Sidney porcontinua y tambe crea algun plan concreto pa Museo Cas Tan Tin riba tereno di management y desaroyo di actividad. E personanan cu tabata presente na e acto di oficialisacion aki ta presidente di FMC Nerisa Quant-Giel, tesorero di FMC Gregory Tromp, manager di Cas Tan Tin Elvis Hill, stagebegeleidster y consehera di FMC Ruby Eckmeyer, docente di UA Yolanda Richardson y tambe Mario Brown y Clarette Quandus kendenanrecientemente a cuminsa traha na Museo Cas Tan Tin. 

FMC ta desea Sidney, tur clase di exito cu e periodo di practicaaki y cu pronto comunidad di Aruba y nos futuro turistanan porgosa y cera conoci cu e actividad- y ideanan inovativo cu Sidney tin planea pa desaroya na Cas Tan Tin.

Share:

Leave a Reply

Your email address will not be published. Required fields are marked *