Homber separa di muher a menasa di mata nan baby di 1 aña y cu e mama lo no mira e baby nunca mas!

Diadomingo madruga a drenta informe di un mama cu ta hopi preocupa pasobra su yiu ta serca e tata y cu e tata lo ta bao influencia di un of otro substancia y cu ta menasa e muher di mata nan baby di un aña na Montaña, mesora a dirigi patruyanan na e sitio. Na yegada di e patruya a bin compronde cu aki ta trata di un pareha den separacion y e homber ta menasa e muher cu nunca mas e muher lo wak su yiu y e dama a keda preocupa. E mama tin e grabacion unda e homber ta bis’e esey y esaki ta locual a laga e mama tur preocupa. Na e adres polis topa cu e homber y a nota cu e homber aki ta bao influencia polis a detene. Na e momentonan ey e yiu lo no ta eynan pero despues di busca informacion e mama logra haya su yiu sano y salvo.

Share:

Leave a Reply

Your email address will not be published.