Diasabra anochi a drenta informe di cu un persona lo a ser tira den stoma na Brazil, mesora a dirigi tanto polis como ambulans na e sitio. Na yegada a bin constata cu aki ta trata di un incidente unda cu a sera un victima cu su auto aden cu un Suzuki SX4 blauw. Despues di a sera e auto aden a baha y tira e victima den stoma y purba mara un cabuya na su auto pa bay cu esaki pero a laga bumper atras. A pidi ambulans cu maximo urgencia na e sitio ya e cu victima lo tabata sacando basta sanger y tabata bay off. Na yegada di ambulans a atende cu e victima y a transporte cu urgencia pa hospital. Polis tini datos di e vehiculo y e sospechoso cu a comete e crimen aki a cuminsa un buskeda pa e sospechoso.
CUERPO POLICIAL ARUBA TA INFORMA:
20.55 melding a drenta via Central di Polis cu un persona a wordo tira na un cas na Brazil. Na e jegada di patruya a constata cu e persona tin perforacion di bala den barica y ela declara cu un conosido di dje cu ta maneha un Suzuki blauw lo mester a tire. Cu urgencia e persona aki a wordo hiba hospital.
Departamento Tecnico di Cuerpo Policial, Recherche San Nicolas y Slachtofferhulp ta na e sitio.
Na es momentonan aki patruyanan ta en busca di e Suzuki blauwe y e sospechoso.
