Diabierna anochi a drenta informe di un accidente basta serio cu hende herida y pega den auto na e cruzada di Caya Musica na Pos Abao, mesora a dirigi tanto polis, ambulans como tambe e equipo di rescate di bombero. Na Yegada di e patruya a bin compronde cu aki ta trata di un accidente unda cu un Chevrolet Spark biniendo for di nort den Caya Musica no a duna preferencia na e Toyota Corolla cu tabata bini for di Hato. E Corolla a dal e Spark drey e 180 grado mande bay cay den e greppel pazuid di caminda. E impacto aki a laga ambos chauffeur y 2 pasahero mas den e Spark herida y den e ultimo aki nan a keda pega ya cu e impacto tabata na banda robez di e Spark y esaki a pone cu e portanan dobla no por a habri y e otro banda e auto a keda pega riba e vloer di beton riba e greppel. Na yegada di bombero trabaonan di rescate pa corta e auto a cuminza mientras cu diripiente e chauffeur di e Corolla a cuminza bay for di tino. Na yegada di e prome ambulans nan a atende cu e chauffeur di e Corolla mientras mas ambulans a yega y a duna atencion na e otro victimanan. Ambulans a transporta e heridonan pa hospital.
