E PON (Payment Order Number) ta e clave ora di haci pagonan pa DIMAS

Na januari 2020 DIMAS a anuncia un maneho (temporal) encuanto e metodonan di pago pa e diferente productonan of servicionan cu DIMAS ta ofrece.

Cual ta e manera di pagonan recomenda?
Clientenan cu efectua un pago di e siguiente manera, lo no mester comunica cu DIMAS, ya cu e notificacion di e pago ta bay na manera automatico di DIMP pa DIMAS y ta haci posibel cu e proceso por sigui cana na DIMAS.
 Online Billpayment via di e App di Aruba Bank
 Online Billpayment via di e App di Banco di Caribe
 Un di e 5 Multi Functionele Acommodaties (MFA)
Observacionnan
Den practica Dimas ta observa cu su clientenan ta opta pa haci pago pa e diferente productonan of servicionnan na otro formanan. Clearance di e pagonan aki ta wordo procesa di forma manual dor di DIMP, cual ta un proceso cu por dura 10 dia di trabou. Esaki por sosode solamente si e cliente a inclui e PON. Y e cliente ta esun cu ta core cu e riesgo cu e pago no por wordo procesa/cleared na tempo.
Den caso cu e cliente a omiti of a falta di menciona e PON, DIMP lo no por clear e pago aki. Cu consecuencia cu e pago lo wordo temporalmente administra door di DIMP riba un cuenta

cu yama “Vage Betalingen”. Pasobra DIMP no sa di ken e pago ta of si e pago ta pa un impuesto of pa un servicio of producto di DIMAS.
Aki algun ehempel con esaki ta bay robes:
 E cliente di DIMAS ta paga na cahero di un di a banconan y no ta pidi pa menciona PON (number di barcode) y number di CRV;
 E cliente di DIMAS ta haci transferencia online pero ta lubida di menciona PON (number di barcode) y number di CRV;
 E cliente di DIMAS ta paga, sin cu ela cuminsa e proceso na DIMAS, y pues ainda no tin un PON (number di barcode ) y/of un number di CRV;
 E cliente di DIMAS ta paga riba cuenta “robes”;
E pagonan haci di e manera aki ta e factor mas grandi cu ta ocaciona tardansanan den e tramite di un peticion na DIMAS. E cliente di DIMAS ta ser duna algun tempo, pero si finalmente no haya e clearance di DIMP, DIMAS no lo por sigui trata e peticion y lo procede na anula esaki.
Den caso cu e cliente opta pa hasi e pago mediante un transferencia bancario mester usa e siguiente informacion:
 Cuenta di banco di Departamento di Impuesto
 Menciona e number di PON/Barcode + CRV

DIMAS ta pidi su clientenan na momento cu nan hasi un pago di un otro forma cu no ta e 3 formanan di pago ariba menciona manera Online Billpayment di Aruba Bank, Online Billpayment di Banco di Caribe of na un MFA pa nan manda DIMAS un comprobante di pago na unicamente na e emailadres betaling@dimasaruba.aw.
DIMAS kier enfatisa riba e importancia di pone e PON number di (barcode) y CRV. Sin e PON y number di CRV Departamento di Impuesto, no por match e pago na nan peticion y e cliente ta core e riesgo cu e peticion ta wordo anula dor di DIMAS.

Share:

Leave a Reply

Your email address will not be published. Required fields are marked *