Diahuebs atardi laat a drenta informe di un accidente cu hende herida banda di 123 Center na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Toyota Corolla Stationwagen bayendo pabao a subi e acera baha bek perde control y a bay dal riba un Kia Optima di direccion contrario. E impacto tabata fuerte y cu hopi daño material esaki a causa cu un mucha den e Kia Optima a resulta herida y tambe e chauffeur di e Toyota Corolla cu a dal su cabez y tabata sangra. NA yegada di e 2 ambulansnan nan a atende e victimanan. Polis a tuma nota cu e chauffeur di e Toyota Corolla tabata bao influencia y a detene hib’e warda pa test.
