Ni rijbewijs kabouter no tin y mucho menos un auto
Diaranzon mainta durante patruya polisnan atento di distrito 1 (Oranjestad) a bin encontra cu un persona drumi den un auto den parkinglot di Havenstraat, ora a yega cerca a bin descubri cu aki ta trata di e conocido kabouter kende no tin rijbewijs y mucho menos auto. Mesora polis a lante tuma e yabi for di dje y a busca drechi di e auto. Ora polis a controla e registro di e auto a bin haya sa cu esaki ta registra na un Kia Picanto blanco den area di Ponton y posiblemente ainda e cambionan noba ser haci den e sistema pero polis a bay na e adres y a haya e Kia Picanto blanco cu e number bieuw para na e cas pero ora a puntra na e cas a bin logra haya sa cu e cambio a ser haci pero ainda polis no a hay’e. Ademas a bin compronde cu ta un sobrino ta riba un trip caba pa 4 dia. Polis a compronde e wega y a duna e doño su yabi bek y a bis’e unda e auto ta para.
