Diadomingo atardi ora cu polis tabata atendiendo un incidente di destruccion na un cas na Sabana Blanco a nota un Nissan Almera biniendo di nort dal para dibiaha reverse full speed bay nort, e vehiculo aki tabata maneha pa un persona lomba sunu yen di tattoo y cabey largo, den e maniobra di bay den reverse ela dal un auto staciona y a bolbe bay dilanti reverse bandonando e sitio rumbo Wayaca. E bisinjanan a logra tuma e number y a avisa polis. Polis a controla e number y esaki ta pertenence na un adres na Primavera, polis a bay na e adres y a haya e Nissan Almera A57288 para dilanti di e cas. Polis a bay atende cu e chauffeur pero ela nenga di a dal auto y tabata mustra bao influencia di un of otro substancia. Ora polis a bay detene e chauffeur esaki a resisti y a rekeri extra esfuerzo. Na final tog a logra domin’e y a logra detene, despues a transporte pa warda di polis unda ela haya un cuarto gratis pa pasa su influencia trankil.
