Diaranzon madruga a drenta informe di cu tin 3 persona na scur bisti cu arma di candela poco pabao di Springfield Supermarket, un rato despues a drenta informe di cu un habitante cual ta un conocido di polis a sali pafo y a declara cu e tabata drumi diripiente a lanta y a topa 2 mucha homber color scur un na cora y e otro na preto cara tapa cu paña preto a bati na porta y a bis’e atraco un cu un arma nickel y e otro cu un arma color preto. Ora cu ela coy un palo zwaai e na e porta nan a core bay. Polisnan hunto cu un otro patruya mas a core rond pero no a encontra cu esakinan. Atraco team a ser avisa y a presenta na e sitio. E victima a declara cu e no mester di asistencia di slachtofferhulp. Atraco team tin e investigacion aki y mesora a cuminsa traha riba dje.

•