Auto a bay bira pa bay Dimp (maniobra prohibi), pone auto su tras brake diripiente y un bus a slip riba caminda muha bay dal tras di e auto

Diamars mainta a drenta informe di un accidente cu hende herida dilanti Departamento di Impuesto, mesora a dirigi tanto polis como ambulans na e sitio. Na yegada di e patruya a bin compronde cu un auto bayendo direccion pariba a bay haci un maniobra prohibi esta di bira na man robez pa bay Dimp, esaki a pone cu e auto su tras mester a brake diripiente y tambe un bus di Arubus cu tabata su tras mester a brake diripiente pero como e caminda ta muha e bus a slip bay dal tras di e auto cu tabata su dilanti. E impacto tabata fuerte cu 2 persona a resulta herida. Un dama cu tabata keha di dolor na nek y un otro mucha cu tabata sinta patras tabata keha di dolor di lomba. Na yegada di e ambulans nan a atende ambos y a transporta nan pa hospital.

Share:

1 thought on “Auto a bay bira pa bay Dimp (maniobra prohibi), pone auto su tras brake diripiente y un bus a slip riba caminda muha bay dal tras di e auto

  1. Mi ta spera nan a duna esun cu a causa esaki un BON BOET!
    Tur hende sa cu no por haci e U-turn eynan si bo bin di pabao…..

Leave a Reply

Your email address will not be published. Required fields are marked *