Pelican Adventures ta cla pa continua cu su servicionan aquatico Diaranson awor, 12 di Augustus.

ORANJESTAD – Pelican Adventures ta cla pa continua cu su servicionan
aquatico a ordo di su catamarannan, brindando servicio di calidad y den un
atmosfera completamente limpi y higienico. Desde diahuebs siman pasa Pelican Adventures a opta pa para tur operacion di su experencianan aquatico regular, debi na e desaroyo y cantidad enorme di caso activo di COVID-19. Como cu Pelican Adventures a haci e adaptacionnan necesario basa riba e protocol di higiena y salud segun e programa Aruba Health & Happiness Code (HH-Code). Pelican Adventures a mira e necesidad di para keto un rato pa haci algun adaptacion mas. Na mes momento probecha di e oportunidad valioso pa haci un limpiesa profundo y desinfecta tur su localidadnan, puntonan di benta, incluyendo su catamarannan pa cumpli cu e protocol di higiena y salud.
Tumando e pasonan di precaucion pa salud y higiena, pero tambe percurando pa e catamarannan ta na ordo pa sigui opera cumpliendo cu e protocol di e compania, a opta pa laga Total Services Aruba haci e limpiesa y desinfectacion necesario durante e dianan tras di lomba. Esaki a ser haci pa brinda e trankilidad na nos empleadonan pero tambe na nos bishitantenan.
Aparte di esaki, Pelican Adventures a opta pa tuma e iniciativa pa test tur
empleado cu ta den contacto directo y/of indirecto cu su bishitantenan. Pelican Adventures ta hopi satisfecho cu e resultado di e testnan. Esaki a duna e garantia cu e compania por habri y reanuda operacion di su experencianan aquatico cuminsando diaranson awor, 12 di augustus.
Desde Diaranson cu Pelican Adventures continua e parti operacional di su tripnan aquatico regular, lo sigui practica y cumpli cu un protocol estricto cu a ser hiba for di inicio di reapertura. Pelican Adventures por garantisa un ambiente y atmosfera limpi, higienico y saludabel na tur su empleado- y bishitantenan, pa motibo cu e actividadnan ta ser opera den aire liber. Teniendo na cuenta e medidanan cu a ser introduci for di Gobierno di Aruba, nos kier a encurasha y pidi nos bisihitantenan pa bisti un mondkapje na momento cu no por tene distancia social di minimo 1.5 meter. Nos empleadonan y tripulantenan abordo lo percura pa keda recorda y encurasha nos bishitantenan pa cumpli cu e protocol di
e compania pero pa cumpli cu e medidanan cu a ser introduci for di Gobierno di Aruba:
• Lo tin hand sanitizer disponibel na momento cu check-in, durante proceso
di aborda y abordo
• Lo haci un control di salud
• Ahustacion di capacidad maximo abordo di nos catamarannan
• Distancia social di minimo 1.5 meter
• Asiento asigna abordo
• Tripulantenan abordo lo haci uzo di mask y gloves
• Lo percura pa haci rondanan di limpiesa pa desinfecta areanan cu ta mas
frecuenta
• Lo tin un protocol cu a ser ahusta pa ofrece y sirbi bebida y cuminda
• Laba man y/of uza hand sanitizer frecuentemente
• Haci uzo di mondkapje/mask na momento cu no por cumpli cu distancia
social y mas hopi cu ta posibel na momento cu check-in, durante processo
di aborda y abordo
• Desinfecta e ekiponan di snorkel
• Evita mishi cu bo cara (nanishi, boca of wowonan)
Pelican Adventures ta mira e importancia di trese e puntonan di protocol aki dilanti pa asina educa y informa e bishitantenan y pa stop transmision di e virus.
Pero tambe ta pa demostra pueblo di Aruba y su bishitantenan cu nos a tuma tur pasonan di precaucion y cu nos ta safe pa sigui opera.
Pa termina, Pelican Adventures kier a recorda tur nos localnan riba e prijsnan special cu tin pa e experencianan aquatico cu nos tin pa ofrese cu ta:
• Champagne Brunch: 90 florin pa adulto y 50 florin pa mucha (4-12 anja)
• Sailing & Snorkeling Cruise: 60 florin pa adulto y 40 florin pa mucha (4-
12 anja)
• Sunset Cruise: 60 florin pa adulto y 40 florin pa mucha (4-12 anja)
Pelican Adventures ta ofreciendo su servicio- y experiencianan aquatico riba Dialuna, Diaranson, Diabierna, Diasabra y Diadomingo. Pa reservacion y/of
compra di ticket of informacion pa e ‘Champagne Brunch’, ‘Sailing & Snorkeling Cruise’ y/of ‘Sunset Cruise’, por acudi na oficina principal di Pelican Adventures situa na J.E. Yrausquin Boulevard 232, por tuma contacto cu nos oficina principal na 587-2302 of via WhatsApp na 594-2716. Por manda nos un mensahe via nos pagina di Facebook @Pelican Adventures of via pagina di Instragram @PelicanAdventuresAruba pa mas informacion y/of reservacion di ticket. Ta encurasha pa paga cu Maestro of Credit Card, si ta cu effectivo, si por tin esaki exacto pa evita aglomeracion den establecimento.

Share:

Leave a Reply

Your email address will not be published. Required fields are marked *