Diabierna atardi a drenta informe di un problema entre ruman na un cas na Piedra Plat, mesora a dirigi un patruya na e sitio. Na yegada di e patruya a bin compronde cu aki ta trata di un problema entre ruman unda esaki a escala te na maltrato unda un persona a dal su mesun ruman y despues a bandona e sitio. Polis a nota cu e ruman muher di 61 aña di edad cu a keda tabata keha di dolor na su brasa y a solicita presencia di un ambulans. Un rato despues como cu ambulans tabata tarda a cancela esaki y a dicidi pa bay cu auto particular. Polis a keda di tira bista rond wak si ta encontra cu e otro ruman.
