Chauffeur a bay kita pa algo y a dal borchi trafico y palo di luz na e rotonde banda di Tempo

Dialuna madruga a drenta informe di un accidente cu hende herida na e rotonde banda di Tempo, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Daihatsu Terios biniendo for di zuid y bayendo nort a bay kita pa algo riba caminda y a subi acera dal borchi trafico y tambe e palo di lus. E impacto tabata fuerte y polis a nota e chauffeur drumi abao na suela kehando di hopi dolor di pecho, na yegada di e ambulans nan a atende e victima y a transporte pa hospital. Elmar a ser avisa pa bin controla e palo di luz cu a keda kentel den banda.

Share:

Leave a Reply

Your email address will not be published. Required fields are marked *