Diasabra anochi a drenta informe di cu un tata lo a dal su yiu na Sabana Liber, mesora a dirigi patruya na e sitio. Na yegada di e patruya a bin compronde cu e mama di yiunan tambe a yega na e sitio y tabata splika cu no ta prome biaha cu e tata a maltrata su yuinan. Debi cu e mama tabata malo e a laga e dos yuinan di 12 y 14 aña di edad keda na cas di e tata. Pero e tata lo a jega cas bou di influencia di alcohol segun e muchanan y a cuminsa insulta e mucha di 12 aña te cu e a dal su mesun yiu un cabes na su pecho. E yui a declara cu ta danki na su wela cu a bula dilanti e tata, a preveni e tata pa escala mas. E yiu a jama su mama pa conte kiko a pasa entre su tata cu ne cual a pone cu e mama mesora a yama Polis pa raporta e maltrato y a subi su auto pa buska su yuinan na e adres na Sabana Liber.
