2 Adicto ambulante a kibra drenta horta na Silla Bar Restaurant den Hendrikstraat

Un di e sospechosonan a ser deteni un rato despues

Diabierna mainta tempran a drenta informe di un caso di kiebro y ladronicia na Silla Bar Restaurant, mesora a dirigi un patruya na e sitio. Na e sitio a bin constata cu e porta dilanti tabata kibra y tur cos reboltea banda di e cashregister. Ademas riba e video di seguridad por a mira claramente 2 adicto ambulante ta ranca e porta di e bar reataurant fuertemente y asina un di nan a logra drenta den e lugar mientras e otro a keda wanta e porta y vigila. Unabes cu esun paden a haya e cashregister den su man ela core sali. Ta trata aki di 2 adicto ambulante cu a comete e kiebro y ladronicia aki. Polis a subi caya y un rato despues a logra pone man riba un di e sospechosonan mientras e otro cu ta e conocido di polis Janira ta ser busca den centro di Oranjestad y Dakota. Nan a bay cu mas di 2000 florin cu tabata tin den e cashregister.

Share:

Leave a Reply

Your email address will not be published. Required fields are marked *