Diahuebs mainta a drenta informe di un caso di maltrato cu un persona herida door di su pareha na un adres na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un maltrato di un dama cu un cabo di un chapi door di su mesun pareha. E homber cu a comete e acto cruel aki mes a bandona e sitio. Polis a bay busca den vecindario si por encontra cun’e pero sin resultado. E sospechoso ta color cla delega bisti cu jeans y flanel preto cabey basta tempo sin corta. Ta trata aki di R.Y. di 43 aña di edad.

• 

• 

• 

• 

•