Minister Xiomara Maduro ta informa: E forno di Calki den Rancho a keda restaura y conserva

ORANJESTAD – E Forno di Calki den Rancho ta un monumento industrial construi na 1892 pa señor Santiago Tromp. E ta e unico forno di calki cu a resta na Aruba y e ta un monumento unico den su forma. E ta un forno cu a uza pa kima piedra di calki pa asina produci calki pa uza den construccion di entre otro cas. E ultimo biaha cu a restaura e forno tabata den añanan setenta.

E compania Parvenir Heritage Restoration and Maintenance Company Ltd tabata tin e restauracion na su encargo y den e proceso a yuda educa nos localnan pa traspasa e  technica unico di haci construccion cu calki. Awor cu e monumento ta restaura, Stichting Rancho ta tuma na su encargo pa cuido di e monunento y sigui educa nos Pueblo riba e herencia cultural aki den e bario di Rancho.

Minister Maduro ta gradici Stichting Rancho, Stichting Monumenten Fonds Aruba, Parke Nacional Arikok Aruba, Enseñansa pa Empleo Aruba, Parvenir Heritage Restoration and Maintenance Company Ltd., Unoca, VNO, Prins Bernhard Cultuurfonds Caribisch Gebied, National Archaeological Museum Aruba, Monumentenbureau, Aruba Bank, Fast Delivery Services, U.T.L.T., Van Kessel Havenbouw N.V. y Ministerio di Cultura Aruba pa nan aporte. Masha danki pa boso balioso cooperacion pa asina awe tanto nos hendenan como e turistanan por admira e bunita monumento aki. Un pabien na bario di Rancho tambe cu conservacion di un monumento unico na Aruba y nos ta conta cu boso cooperacion pa yuda nos cuida nos Forno di Calki.

Share:

Leave a Reply

Your email address will not be published. Required fields are marked *