Diadomingo atardi a drenta informe di un accidente cu hende herida unda cu un Suzuki Samurai a bolter na noordkant caminda pa Natural Bridge y tin hende herida, mesora a dirigi tanto polis como tambe ambulans na e sitio. Na yegada di e patruya a bin compronde cu aki ta trata di e Suzuki Samurai blauw/biña A24837 cual tabata bayendo direccion pariba maniobrando haciendo wega y a perde control y a bay bolter. Den e vehiculo tabata tin 3 persona cual tur 3 a resulta herida. Di cual 2 ta mas serio herida y e otro a resulta levemente herida. Na yegada di e ambulansnan nan a atende tur 3 victima y a stabiliza nan y transporta pa hospital cu urgencia. Takelwagen a bini tambe na e sitio pa asina bolter e vehiculo bek riba su wielnan.
