Henter anochi polis tabata cu mannan yen di assistencia pa musica mucho duro na tur barrio, te hasta mainta tempran

Den e dianan aki polis a bin ta haya varios yamada di musica duro y bochincha na diferente barrio te den oranan di madruga y hasta mainta tempran. Polis a pasa tur e anochinan aki ta bay na tur adres pa bisa e hendenan pa nan baha e volumen y hasta pa paga e musica y para e fiesta pa asina bisiñanan por tin trankilidad. Diadomingo mainta mes tabata tin musica duro gritamento y bebemento na un compleho di apartamento na Tanki Leendert. Aki ademas di a papia cu esnan envolvi a papia tambe cu e doñonan di e compleho pa nan papia cu nan huurdonan pa nan comporta.

Share:

Leave a Reply

Your email address will not be published. Required fields are marked *