Entradanan judicial mainta tempran na casnan y negoshinan di ex-minister Otmar Oduber y comerciante “Gigi Helder”

 

Huiszoekingen relaciona cu posible hechonan castigable den otorgamento di tereno di gobierno

Awe Landsrecherche (LR) a haci varios huiszoeking en cooperacion cu RST (Recherche Samenwerkingsteam) y Cuerpo Policial Aruba y bao guia di huez-comisario.

E huiszoekingnan aki tabata den cuadro di un investigacion penal di Landsrecherche tocante posible delitonan di corupcion y otro hechonan castigable relaciona cu otorgamento di tereno di gobierno.

E investigacion penal aki ta carga e nomber codico ‘Flamingo’.

Procurador-general  a duna Landsrecherche opdracht na september 2019 pa cuminza e investigacion aki relaciona cu informacion cu Ministerio Publico a ricibi di Cuerpo Policial di Aruba.

Den e investigacion tin informacion tambe cu a wordo suministra na Ministerio Publico pa varios persona y organizacion.

E investigacion ‘Flamingo’ ta dirigi primordialmente riba iregularidadnan den otorgamento di terenonan comercial di erfpacht den e periodo di 2017 pa 2019.

Mas concretamente bisa: e investigacion ta dirigi su mes riba e pregunta si un of mas compania a logra  obtene incorectamente (un optie) riba terenonan di erfpacht den e periodo di november 2017 pa december 2019, caminda ta investiga tambe e eventual rol di e minister anterior.

Den e huiszoekingnan a confisca documentonan y cargadornan di data.

Pa awor no tabatin ningun detencion.

Di awor pa dilanti e team investigativo lo analisa e contenido di e administratie y e computernan cu a wordo tuma den beslag, y lo scucha e sospechosonan y testigonan.

E investigacion ta den su fase inicial.

Ministerio Publico no por bisa ainda si despues lo sigui cu detencion di un of mas sospechoso.

Esey ta depende di e resultadonan di e investigacion.

Ministerio Publico no kier duna mas informacion na e momento aki tocante e identidad di e sospechosonan y/of di e sospechonan contra nan.

Preparacion y riba caminda

Na e cas di e comerciante “Gigi Helder na Esmeralda

Na cas unda ex-minister Otmar Otmar Oduber ta kedando na Gold Coast

Na negoshi di “Gigi” Helder den Rumbastraat

Cas mes di Otmar Oduber na Pavia y 2 container otro banda dilanti su cas

Huiszoekingen in onderzoek naar mogelijk strafbare feiten bij uitgifte overheidsterreinen

Share:

Leave a Reply

Your email address will not be published. Required fields are marked *