Persona di edad a drenta lama 9:30 am y pa 11:30 am ainda no a sali y su auto tabata ey ainda.
Diamars mainta a drenta informe di cu un persona di edad a ser mira ta drenta lama pero no a mir’e sali na Boca Catalina, mesora a dirigi patruyanan di strandpolitie na e sitio. Na yegada di e patruya nan a compronde for di un persona di inicial W. cu banda di 9:30 di mainta ela mira un persona di edad yega den un auto blanco baha y drenta lama pero te na e momentonan ey di 11:30 e no a mira e homber sali bek. Inmediatamente a inicia un buskeda na e costa pero no a encontre y a pidi ayudo di e helicopter y e polis maritimo. Mientras riba tera a haya e yabi di e auto colga bao di un di e palapanan. A start un buskeda den lama y basta leu pabao di faro esnan den e helicopter a logra nota un curpa ta drief y a solicita e boto di polis maritimo pa bini y saca e curpa for di lama. Unabez cu e curpa tabata abordo nan a hiba esaki na waf di Oranjestad. Polis a hiba e auto na e post di strandpolitie.
