E homber fam Winterdaal a keda deteni mainta na San Nicolas. E ta naci na Republica Dominicana pero ta reconoci y ta Hulandes. E tin problema di droga. Polisnan a ser avisa cu e ta molestiando tur hende den Caya Grandi. E ta pashent di SPD tambe. Di marduga caba e tabata causa problema. Hasta mas biaha e sa molestia e turistanan na San Nicolas y ta ranca placa for di nan. Dialuna mainta tabata mesun cos. Polis a topa cune y bay den accion. A logra detene y hibe warda. Riba dje a haya hasta un papel di 100 dollar pero e tabata falso. Mirando cu e ta un problema y mirando cu e tabata bou influencia di droga, a tene cera pa un bon rato.
