E club di servicio Aruba Lions Club den ultimo tempo ta scucha di nan cu deferente projectonan den nos comunidad banda di esunnan
conoci den comunidad manera e rifa di cas y wheelchair cu hosptital beds of e smile mobile cu ta esun pa revisa e dentadura di nos
grandinan den nos comunidad y asina cu otro projectonan den ramo di saludbridad.
Tambe ultimo tempo a organisa otro actividadnan tambe manera Bingo, Fiesta bailable, Festival di Pasco y mas pa asina por recauda
fondo pa por sigui brinda servicio y ajudo na esnan cu menos recurso.
E biaha aki Aruba Lions Club pa medio di dos di su miembronan musico a lansa un projecto cu no ta mucho comun den comonidad den e
clubnan aki, pero un projecto musical den forma di un produccion riba un disco compacto.
E disco compacto aki cu a hiba e nomber di “Serenata Instrumental” ta un produccion di 11 cancion incluyendo 3 potpuri, tur
instrumental cu a wordo toka cu cuarta, baho y mandolin y tur ritmonan crioyo y varia.
Esaki sigur a resulta un exito pa e tatanan cu a ricibi esaki, cu por disfruta di un musica hopi suave pa relaha.
E disco aki Aruba Lions Club a reparti diasabra na cas di e grandinan y den e diferente hogarnan riba nos isla pa e tatanan como un
regalo riba nan dia cu tawata diadomingo.
Aruba Lions Club pa medio di esaki ta contribui na mantene y sostene nos folklor pa medio di musica, tambe trese e dushi ambiente
arubiano den nos comunidad y sigur pa demostra e passion di nos club pa jega na alma y curazon di e pueblo.
E disco compacto aki ta consisti di ritmonan di wals, tumba, calypso y danza cu cancionnan popular y clasico cu hopi biaha nos conoce
cu canto, pero e biaha aki completamente instrumental.
Un bunita gesto di Aruba Lions Club cu ta sirbiendo Aruba pa 73 aña caba y cu den e tempo moderno aki ta bin cu projectonan diferente
cu sigur lo keda aprecia pa hopi hende.
Pabien ALC cu e bunita gesto aki.
