Accion den cas na Monserat y Palm Beach pa arma y droga
Diasabra for di oranan di merdia pa atardi un accion basta grandi a tuma lugar na un cas conoci pa husticia y tambe otro adres no masha leu den Palm Beach. A base di un investigacion cu a tuma lugar a manda e Team di Aresto dilanti na e adres na Monserat. Eynan a haci detencion mesora despues di drenta e cas. Den e area di veld di Monserat a haci detencion tambe. Eynan a detene un miembro di e cas na Monserat. E Observatie Team di Polis tabata tin henter e area bou di vigilancia pa asina prepara e coleganan pa drenta den accion. Den e proceso nan a haci e detencion riba caya tambe. Djey a bay na e cas na Palm Beach. E prome entradanan hudicial a haci tres detencion. Tabata tin un team di alrededor 30 miembro di Polis di diferente departamento. Basta recherche a atende e caso. Na Monserat y Palm Beach a listra den e cas y tambe a listra den cura pa droga y arma. E adres na Monserat ta uno unda varios biaha autoridad a haci entrada hudicial. Eynan hasta a yega di detene y haya arma despues cu kier a secuestra y mata un Polis. Despues di varios ora di listramento y investigacion diasabra, a detene otro dos sospechoso mas na e adres na Monserat. Na final cinco sospechoso mester bay duna cuenta. No por bisa cu tur ta envolvi den e caso pero nan declaracion lo saca afo kendenan ta envolvi den e sospecho y investigacion pa arma y droga.
