Diadomingo marduga polisnan na Sanicolas a haya nan ta pidi refuerzo di otro districtonan pa un aglomeracion di hende den e cayanan di Sanicolas banda di tur e barnan. Aki hende no por a accepta cu tur cos mester ta sera pa 11’or di anochi y a sigui festeja manera nada no por pasa nan. Polis a actua mesora y a cuminsa manda tur hende cas y mientrastanto a cuminza controla algun auto staciona eybanda cu aparentemente no tabata tin doño pa bay cu nan. A bin resulta cu un Toyota Altezza su number di auto no tabata cuadra y a pidi takelwagen pa bin y bay cun’e warda. Pa ora e resfuerzo di e otro districtonan a yega, ya e unidadnan di San Nicolas tabata tin tur cos bao control. Asina mes a keda un rato mas na e sitio pa por si caso cu mester, por brinda assistencia.

• 

• 

• 

• 

• 

• 

• 

• 

•