Diahuebs anochi a drenta informe di un accidente cu hende herida banda di e restaurant Quinta del Carmen, mesora a dirigi tanto polis como ambulans na e sitio. Na yegada di e patruya a topa un auto Lincoln MKZ cual segun informe inofficial a sali cu full speed for di e parkinglot di Restaurant Quinta del Carmen subi e caminda “Caya Imelda Catharina Eckmeyer-Bermudez”. Pero aki net un Nissan March tabata bin di pabou y e Lincoln a yega dal den e Nissan, pone zwaai y bira e Nissan como un 90 grado. Un señora den e Nissan a resulta herida y a wordo hiba HOH cu e ambulance. Debi cu esnan den e Lincoln tabata mariniers, Marechaussee tambe a bin na e sitio.
