Diaranzon atardi a drenta informe cu un auto mester a accidenta na Meiveld y cu e chauffeur tabata herida. Mesora Polis y Ambulance a wordo manda pa e sitio pa asina brinda nan assistencia. Na e sitio nos por a compronde cu e Susuki Alto blanco tabata biniendo for di pariba, ora diripiente a bira stuur pa desvia di dal den un otro auto cu sea a sali su dilanti of tabata core mucho riba su banda di caminda. Aki e chauffeur dama a perde control, baha for di caminda na su man drechi, slip y bira den e santo y dal den un pida cura di un cas eybanda. Den e saki a dama chauffeur a dal su man/brasa contra e pida hekki di e cura y a resulta herida. Paramedico a hinka de dama den Ambulance pa traha cu ne, mientras un conocir a jega na e luga pa take care di e auto. E paradero di e otro auto, cu pa cual e chauffeur di e Susuki a desvia, no ta conoci pa nos reportero.
